الطريق الي الجنه
اخي الزائر واختي الزائره يرجي التكرم بتسجيل الدخول
ان كنت عضوا معنا او تسجيل عضويه جديده ان لم تكن مشترك معنا بالمنتدي
لتشاركنا رأيك ...لان رأيك يهمنا وهذا يسعدنا كثيرا... او مشاهده المضوع باعتبارك زائر
لا ترغب بالتسجيل ...نتمني لكم قضاء وقت مفيد معنا ونجتمع علي طاعه الله دائما بّأذن الله
((مع تحيات اداره المنتدي))
(لك منا ارق واجمل تحيه)
بحـث
 
 

نتائج البحث
 


Rechercher بحث متقدم

المواضيع الأخيرة
» أشد الناس عذاباً يوم القيامة !
الخميس مايو 03, 2012 2:23 pm من طرف عبد سلام

» ادعيه واحاديث
الأربعاء مايو 02, 2012 10:58 pm من طرف عبد سلام

» صوره حلوه اوي ادخل شوف يللا
الأربعاء مايو 02, 2012 10:49 pm من طرف عبد سلام

» ISLAMIC PICTURES 1
الأربعاء مايو 02, 2012 10:38 pm من طرف عبد سلام

» صور متعلقه بالنبي عليه الصلاه والسلام
الأربعاء مايو 02, 2012 10:24 pm من طرف عبد سلام

» لازم تعجبك
الأربعاء مايو 02, 2012 10:21 pm من طرف عبد سلام

» صور الكهف(أصحاب الكهف)
الأربعاء مايو 02, 2012 10:07 pm من طرف عبد سلام

» برنامج سويتش سنيفر عملاق التحكم في الشبكات وسرعة النت
الأحد مارس 04, 2012 5:22 pm من طرف rashedfouda

» شرح
الجمعة يونيو 24, 2011 11:31 pm من طرف زائر

» لو مخنوق من حد...قوله القصه دي
الجمعة فبراير 18, 2011 4:59 pm من طرف Posey

» شات بين أبو لهب مع أبوجهل
السبت أكتوبر 16, 2010 3:42 pm من طرف الفهد الاسود

» مفاجآت في رمضان
الجمعة يوليو 23, 2010 5:40 am من طرف سهيل المصري

» فعلا....شئ غريب!!!!
الثلاثاء مايو 11, 2010 3:50 pm من طرف سهيل المصري

» المصحف الالكترونى كامل ومجود + دعاء ختم القراّن الكريم + اركان الاسلام بمساحة 55 ميجا و على اكثر من سيرفر
الإثنين مايو 10, 2010 6:29 am من طرف سهيل المصري

» اسطوانة السيرة النبوية
الأحد مايو 09, 2010 1:43 pm من طرف سهيل المصري

» اسطوانة انا لازم اتغير (must change)
السبت مايو 08, 2010 3:05 pm من طرف جنة الرحمن

» حكاية عروسه مع عدسات العين
الأحد مايو 02, 2010 1:07 am من طرف زائر

» فيديو من إنتاجي أرجو أن يحوز على إعجابكم
الأحد مارس 07, 2010 4:39 pm من طرف استشهادية

» برنامج جميل لقياس سرعة النت
الإثنين نوفمبر 30, 2009 1:31 am من طرف yasser saad

» صور انهيار في باطن الارض (سبحان الله)
الجمعة نوفمبر 27, 2009 1:46 pm من طرف حمدي

التبادل الاعلاني

يوميات بعيد عن ربنا الحلقة الثانية

اذهب الى الأسفل

يوميات بعيد عن ربنا الحلقة الثانية

مُساهمة من طرف جنة الرحمن في الأربعاء مارس 12, 2008 11:04 am


ايه اخبارك النهاردة يامسلم .



انا شايف إنك الحمد لله أحسن من الأول بكتير ...



انت الحمد لله دلوقتي قلبك بدأ ينبض من جديد لكن هو فيه شوية تصلب شرايين ودي هتضيع مع كترة الاستغفار .. وريني لما أشوف نبضك كدة ...



أستغفر الله استغفر الله استغفر الله



عظيم جدا قلبك شغال كويس ... بس لازم تواظب على الاستغفار عشان ضربات قلبك تفضل منتظمة



شوف يا ريس ... إنت قلبك مر بمرحلتين دلوقتي مرحلة الانعاش القلبي والتنبيهي ... والحمد لله استجاب ...



ومرحلة الترقيق والتليين ودي اللي انت بتحققها بكثرة الاستغفار فاضلك مرحلتين عشان قلبك يبقى عشرة على عشرة





المرحلة الأولى : هي مرحلة " النور "



ايوة النور نور الله عز وجل لما يدخل قلبك وينيره



" الله نور السموات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري يوقد من شجرة مباركة زيتونة لاشرقية ولاغربية يكاد زيتها يضيئ ولو لم تمسسه نار نور على نور يهدي الله لنوره من يشاء "



- طيب ازاي النور يدخل قلبي ؟؟!

- أقولك انت لازملك يا مان 3 شروط اسمع كدة ..



اذا دخل النور القلب انفسح وانشرح ، قالوا فما علامة ذلك قال :



1- الإنابة الى دار الخلود

2- والتجافي عن دار الغرور

3- الاستعداد للموت قبل نزوله



3 خطوات ... لازم تحققهم في نفسك ... أولها الإنابة الى دار الخلود ...

يعني ايه الكلام ده .. دار الخلود هي الأخرة .. والأخرة يعني جنة أو نار ... والانابة هي الرجوع ...

يعني تذكرك دايما انك راجع لهذه الدار عشان كدة لازم دايما تقرا عن الجنة والنار ... وخليني أسألك سؤال ...

عمرك شوفت واحد اشترى فيلا من غير ما يعرف مساحتها ... تفاصيلها .. عدد الحجرات اللي فيها

طب هي كام دور ... بلاش .. ده ما فيش حد بيشتري شقة الا ماشافها وشاف البروشور بتاع التصميم بتاعها .. يبقى ازاي انت عايز تسعى لشراء الجنة وانت مش عارف حاجة عنها ...

طيب انت عشان تترك الذنوب والمعاصي اللي قلبك لسة بيحبها لازم يدخله الخوف من النار ... طيب ازاي هتخاف من النار وانت عمرك ما قريت عنها



تخيل لو عندك عيل صغير وعمال يلعب بسلك الكهربا .. يا بني سيبه ... يابني هتتكهرب ... يابني هتموت ... وهو دماغه صرمة قديمة ... تخيل بقى لو الولد ده الكهربا لسعته ... مش هيخاف من سلك الكهربا ... ده هيخاف من سلك المواعين

وانت كمان لازم تلسع قلبك لسعة خوف من النار عشان يبطل الذنوب اللي مش قادر يبطلها



اقرأ كتيير عن الجنة والنار ( التذكرة للقرطبي ، حادي الأرواح الى بلاد الأفراح )

أو اسمع شرايط عن الجنة والنار ...



وقبل ما نسيب الخطوة دي ... عايزك تفكر كويس في معنى الإنابة واحنا قلنا قبل كدة ان معناها الرجوع والرجوع هو العودة لمكان كنا فيه قبل كدة ... مكان تبعنا بس سيبناه ... وده اللي لازم يكون في قلبك ... لازم تكون حاسس ان الحياة الدنيا دي مش دارك ... مش بلدك ... وانك فيها غريب ... او عابر سبيل ...

واحد متغرب في بلد بعيدة عشان يعمل قرشين حلوين يرجع يعيش بيهم في بلده ... ماسك على نفسه وعمال يعد الأيام اللي هيرجع فيها لوطنه وبيته وأهله ... وكل اما يسمع خبر عن بلده أوأغنية بتتكلم عنها عينيه تبكي وقلبه يوجعه ... .

انت لازم تكون كدة الجنة هي دارك اللي انت نفسك ترجعها ... عشان تتمتع باللي انت شقيت بيه في الدنيا واللي تعبت وانت بتجمعه





الخطوة الثانية : التجافي عن دار الغرور :





التجافي يعني التباعد ودار الغرور هي الدنيا يعني م الآخر لازم تتجافى عن الدنيا كتجافيك عن الجلوس بجوار أجرب أو مجزوم .. تجافي كتجافيك عن جيفة حيوان ميت نتنة تعافها النفس ... تجافي ممزوج بالاحتقار مشبع بالكره ... وهذا لايأتي الا بأن تعرف حقيقتها ودناءتها ...



روى عن ابن عباس رضى الله عنهما أنه قال:{يؤتى بالدنيا يوم القيامة على صورة عجوز شمطاء زرقاء أنيابها بادية مشوهه الخلقة لا يراها أحد إلا كرهها فتشرف على الخلائق فيقال لــهم أتعرفون هذه؟ فيقال لهم هذه التي تفاخرتم وتحاربتم عليها ثم يؤمر بها إلى النار فتقول يا رب أين أتباعي وأصحابي وأحبابي؟ فيلحقونها} "



وقال علي بن أبي طالب رضي الله تعالى عنه: "ارتحلت الدنيا مدبرة وارتحلت الآخرة مقبلة ولكل واحدة منها بنون، فكونوا من أبناء الآخرة، ولا تكونوا من أبناء الدنيا، فإن اليوم عمل ولا حساب، وغداً حساب ولا عمل"أخرجه البخاري.



والتجافي يطلق على من أرق في مضجعه " تتجافى جنوبهم عن المضاجع يدعون ربهم خوفا وطمعا "

والانسان لا يتجافى عن المضجع إلا إذا أصابه الأرق أو كدره المرقد .. فمن أصابه الأرق من شدة الخوف من الله أوكدره مرقده من حقارتها ودناءتها – وهي الدنيا – جافى المرقد وقام ينظر في حاله فيدفع ما أخافه ويترك ما أرقه





الخطوة الثالثة " الإستعداد للموت قبل الرحيل





يعني انت لما تكون مسافر ياصاحبي ... مش لازم يكون معاك فلوس للسفر ... تحجز تذاكر الطيران ...تحضر شنطتك ... اهو انت برضه لازم تحضر وتستعد للرحلة الكبرى ... الرحلة اللي بتكون في اتجاه واحد ... وما ينفعش فيها تذاكر ذهاب وعودة ... لأنها ذهاب وبس ...



طيب الاستعداد للموت قبل الرحيل يكون ازاي ؟؟!

يكون بمحاسبة النفس ... حط لنفسك برنامج تعبدي أو ايماني وحاسب نفسك عليه ... لما تعمل حسنات كافئ نفسك بحاجة حلال بتحبها ... ولما تعمل معصية عاقب نفسك بإنك تحرمها من حاجة انت بتحبها ...



راقب نفسك ليل ونهار .. لأنها المسؤول الأول عن نجاتك ان صلحت ... والمسئول الأوحد عن هلاكك ان فسدت ...

اعمل لنفسك ورد محاسبة ...

واستعد للرحلة ....


avatar
جنة الرحمن
نائب المدير
نائب المدير

عدد الرسائل : 455
العمر : 28
تاريخ التسجيل : 01/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى