من ركل القطة؟؟؟؟؟؟

من طرف **سهيل المصري** الخميس سبتمبر 11, 2008 5:41 am

من ركل القطة؟

كتم الاستاذ ابراهيم ناظر مدرسة ام المؤمنين الثانوية صرخة الم في حلقه وهو يصارع الزحام في الاوتوبيس ولولا وقار يعلو هامته لصاح في ضجر ده يوم باين من اوله
فقد كان المسكين قبل خروجه من البيت يصم اذنيه صراخ زوجته بمطالب البيت والعيال وها هو مقبل علي معركة الاوتوبيس اليومية
فما ان وصل الي مكتبه حتي صاح بالعامل القهوة يا زفت

***********************

دقت عقارب الساعة الثانية عشرة ظهرا فاغلق الاستاذ محمد كتابا كان يطالعه في مكتبة المدرسة وقام الي الاستاذ ابراهيم يستاذنه كالعادة في الخروج لتوصيل ابنه احمد من المدرسة الابتدائية

*************************

بتقول ايه؟؟؟؟؟..........صرخ بها الاستاذ ابراهيم في وجه الاستاذ محمد
فقال الاستاذ محمد بوجه يعلوه الدهشة وبعض الارتباك حضرتك علطول بتاذنلي ايه المشكلة النهارده؟؟؟؟؟
رد عليه الناظر في ضجر انتو اصلا اخدتوا علي الهرج والمرج ومن النهاردة لي تصرف تاني معاكو

************************

خرج الاستاذ محمد حزين لا يكاد يصدق ما سمعه
فاخرج هاتفه واتصل بصديقه نادر
معلش يا نادر هتعبك معايا
يا ريت بس تروح تاخد احمد من المدرسة النهاردة
اه في شوية ظروف كدة في الشغل
اوك الف شكر يا حبيبي

*******************

هرع احمد الي ابيه في لهفة عندما دق جرس الباب وهو ممسك بيده كراسة الواجب
وقال شوف يا بابا المس ادتني ايه؟؟ انا اخدت الفل مارك

فقال له والده في ضجر اجري روح لماما

*******************
رجع الولد يجر اذيال الخيبة لا يكاد يصدق رد فعل والده تجاه تفوقه في المدرسة

وهو غارق في تفكيره الحزين اذ بقطته الحنون التي يحبها تاتي تداعبه..........فركلها بعنف وقال
مش ناقصك انتي كمان

تفتكرو ياخوانا

من ركل القطة؟؟؟؟؟

منقول من مدونة سهيل المصري
www.sohail.7ikayat.com