الشعر الناشف والمقصف

السلام عليكم ورحمة الله وبركاته
الشعر الناشف والمقصف انتشر جدا وعشان كده كان لازم نعرف ايه الحاجات اللى ممكن نعالج بيها الشعر الناشف ومنها:
1.التقليل من استخدام السيشوار
2.تسوية الشعر بزيادة 1 سم عن مستوى التقصف شهريا يوم 16 فى الشهر العربى لان الغدد فى اليوم ده بيكون عندها استعداد ان الشعر يطول وعلميا ضرورو مساواة الشعر من 4 اسابيع الى 6
3.الطعام لازم يكون متوازن وده مهم لغذاء الشعر اللى بيوصله عن طريق الدم الى بيغذى البصيلات
4.استخدام حمام الكريم مرتين فى الاسبوع
5.عدم استخدام الزيوت (عشان بتدى للشعر مواد حمضية والفروة اصلا بتفرز المواد دى وكده بتدمنها من الزيت(زى مثال الادمان بالظبط))
6.استخدام الحنةفهى مفيدة للشعر ومش بتسبب اى اضرار او التهابات جلدية
7.استخدام كريمات مغذية للشعر بمستخلصات طبيعية
8.ثلاثة مرات فى الاسبوع فى الصيف كفاية لغسيل الشعر
9.التوتر بيسبب فقدان الشعر
10.المشاركة فى استعمال اداوت العنايةبالشعرتؤدى لانتقال الامراض(يا سكر دى اسمها ادوات شخصية يعنى لشخص واااااااحد)
11.التدخين يسبب بياض الشعر
12.القليل من الشامبو كافى لغسل شعر متوسط الطول
13.تكرار تجفيف الشعر يسبب الضرر
14.البلسم مش بيصلح الشعر بس بينعمه ولو نوعه كويس بيصلح الضرر
15.تضفير الشعر او شده للخلف يسبب تكسر الشعرة مع مرورالزمن
16.ماسك المايونيز والبلسم لكثافة الشعر (كمية من الميونيز مع كمية اكبر من البلسم لكثافة الشعر)
17.لو هتعملى يا لولو حمام زيت يا ريت مش ياخد وقت اكتر من 3 ساعات
اتمنى ان ربنا يكون كرمنى بافادتكم ويا ريت مش تبخلوا علينا بالردود والنقد وان الرد مش يكون شكر او دعوة بس ايه رايكم كمان فى الموضوع وكده يعنى يا عساسيل ويا ريت تفتكرونا من صالح الدعاءاحنا وكل الامة الاسلامية باذن الله
السلام عليكم ورحمة الله وبركاته

ما شاء الله ما شاء الله

زمان العرايس بيدعولك الوقت

احنا نفتح كوافير في المنتدي ونعينك مشرف فيه

وموضوعك جميل

ومستنيين اللي جاي

السلام عليكم ورحمة الله وبركاته
الحمد لله ان الموضوع عجبكم وده من فضل ربنا عليا
وكويس ان جنة الرحمن والاستاذ سهيل المصرى ردوا عشان انا باحبط لما اكتب موضوع ومش حد يرد عليا والاقى انه اتقرا كام مرة ومافيش ولا رد او فى قليل جدا ويا ريت ده يكون على كل المواضيع اننا لما نقرا موضوع نشكرا اللى كتبه على انه كتب موضوع يفيدنا وده اقل حاجة تكون بالرد عليا
شكراااااااا ليكوا وجزاكم الله كل خير واتمنى مش اكون طولت عليكم
والسلام عليكم ورحمة الله وبركاته

على فكره بالنسبة لموضوع الكوافير اوك انا موافقة بس خلصوا الاجراءات الضريبية وانا تحت امركم

احنا الحمد لله مش عندنا اجراءات ضريبية ولا حاجة هنا الرجل بكلمته اقصد المنتدي بكلمته

ونحن نختلف عن الآخرون

القسم اتعمل خلاص ولو لحضرتك اي تعليق علي الاسم انه يتغير او كدة اوك مفيش مشكلة

وربنا يعينك بقة مستقبل 9 مليون عانس في مصر بين ايديكي

السلام عليكم ورحمة الله وبركاته
انا مبسوطة جداااااا بجد والله وباذن الله ربنا يقدرنى انى اخدم الناس دى كلها والاحق على العوانس والبنات والمتجوزين كمان
ربنا معانا
وعلى فكره انا عايزة اشكر اللى اقترح الاسم ده لانه حلو فعلالالالالالالالالالا
وجزاكم الله كل خير وادعولى انى اكون اد المسئولية
والسلام عليكم ورحمة الله وبركاته