بتشوف نور؟؟؟! اه "مهند" و" نور"!

من طرف د/أحمد غنيم الجمعة سبتمبر 12, 2008 6:19 am

حوار تليفوني
سلمى تتابع
التليفزيون في تركيز شديد وقد نسيت تقريبا أنها تحدث صديقتها ليلى على
الهاتف الذي تدلت سماعته إلى جوارها وقد بدا أنها ذهبت إلى عالم آخر غير
مرئي، قبل أن توقظها من رحلتها هذه صرخة تخرج من السماعة:
- سلمى! أنت جالك سكتة قلبية ولا إيه.. ماتردي عليّ؟
- آه.. سوري.. ياه.. مش ممكن!

- فيه إيه يا بنتي.. فيه حرامي دخل بيتكم ولا إيه؟!

- يوه عليكِ بنت خنيقة.. فوّقتيني من اللي أنا فيه.. ضيعت عليّ اللحظة
الرومانسية؛ ده "مهند" كان بيصالح "نور".. عارفة بإيه؟ اشترى لها فيلا ع
البحر.. آه وربنا!

- مهند مين ونور مين.. هو الحاج والحاجة عندك غيروا أساميهم ولا إيه؟ وفيلا إيه وبحر إيه.. ده إنتم ساكنين في شقة إيجار جديد!

- إيجار جديد إيه بس يا رجعية.. فيه حد في الدنيا دي كلها مايعرفش مهند
ونور.. ياه .. ياه عليك يا مهند.. قمر قمر بجد.. طب يعني الواحدة لو
اتجوزت واحد زي ده تعمل إيه في نفسها يعني؟

- تنتحر ياستي وتخلصنا! بطلي كلام فارغ.. ده أنا حتى شوفت ربع حلقة من المسلسل ده كنت بأموت من الملل.

- ملل.. ما هو أنتِ بوصلة الجمال باظت عندك من كتر المشي في الشوارع
والزحمة والدوشة.. ده المسلسل كله رقة وحنان وحب.. مهند ونور دول بيحبوا
بعض حب ما حبهوش عبد الحليم لزبيدة ثروت.. وعمر الشريف لفاتن حمامة.

- ما هو إحنا كده دايما نبص لبره.. مالهم يعني الممثلين بتوعنا؟

- إيه النظرة الضيقة دي.. المسلسل جميل وكله مناظر طبيعية تجنن وفيه قصة
حب نار يا حبيبي نار.. ومافيهوش ولا منظر مخل أو خارج يبقى ما اتفرجش عليه
ولا ما أحبهوش ليه؟ واسكتي بقى لأن فيه حد بيحاول يقتل مهند.. حاسب يا
مهند حاسب هيقتلوك ولاد الـ......!
بتشوف نور؟؟؟! اه "مهند" و" نور"! Awel_01

بتشوف نور؟؟؟! اه "مهند" و" نور"! Awel_01

حلقة في برنامج تلفزيوني

المذيع متجهم ويكشر في وجه ضيوفه والمشاهدين قبل أن ينطلق كمدفع رشاش وارد للتو من المصانع الحربية:
-
هكذا أصبح ذلك المسلسل الفاسق الداعر الماجن يلهي أخواتنا وإخواننا عن كل
الأمور القيمة الحقيقية، يتفرجن على مهند ويطلقون له الآهات وتسيل من أجله
الدموع ولا تسيل دمعة واحدة على المحرومين واليتامى من أبناء عروبتهن،
ينتظر الرجال- أو من يمكن أن نطلق عليه هذا الوصف مجازا- المسلسل في شغف
وبلاهة ليتأملون وجه نور.. ما رأيكم يا حضرات فيما يحدث.. هل هذه مؤامرة
منظمة ضدنا لـ"تتريك" عقولنا خاصة أن المسلسل تركي؟ هل هناك يد إسرائيلية
في هذه المؤامرة؟ هل هذه خطوة لتخدير العقول؟

يتمطع أحد الضيوف في جلسته قبل أن يتنحنح ليرد:
والله قلت خيرا أيها الصديق الفاضل.. ولهذا أنا أؤيد تماما الفتوى التي
أصدرتها هيئة الأمر بالمعروف والنهي عن المنكر السعودية لتحرِّم مشاهدة
هذا المسلسل الذي لا أجد كلمة مهذبة لوصفه. أيضا أؤيد ما فعلته الهيئة
عندما أمرت بمنع بيع الملابس التي طبعت عليها صور ذلك الـ"مهند" وتلك
الـ"نور" لأن هذا سفه وتفاهة وانشغال بأمور غير واقعية وجدية تعلي من شأن
الأمة..ثم..

يقاطعه المذيع قائلا:
عفوا أيها الرفيق لدينا اتصال هاتفي من شخص يريد أن يهاجم المسلسل..
يأتي صوت المتصل:
مساء الخير بصراحة أنا قلت أنا حاهاجم المسلسل وبصراحة أنا باتصل عشان
أهاجمكم أنتم.. الأخ بيقول إن الانشغال بالمسلسل تفاهة وسخافة.. طب ما
حضرتك بتتناقش فيه هنا أهو؟ مش دي تفاهة برضه؟ المسلسل مسلسل عادي ممكن
يعجب البعض وممكن البعض التاني مايستحملش يشوفه.. بس في كل الأحوال
الحكاية مش مستحملة تدخل هيئات دينية عشان تحرم مشاهدته.. ده اللي اسمه
سخافة فعلا و...

المذيع:
شكرا على مشاركتك ونعتذر عن انقطاع الاتصال ولنكمل مع ضيفنا العزيز عن هذا المسلسل الوباء..و...

***

زي ما حضرتك شايف
مجرد مسلسل تركي طويل حبتين- 160 حلقة بس!- عمل هزة كبيرة وضخمة في المجتمع العربي..
وانقسم الناس لأكتر من فريق..

فريق شايف مسلسل نور ده رجس من عمل الشيطان لا بد أن يرجم..

وفريق شايف إن نور ده مسلسل قادم من الجنة ولا بد أن يتم تعميمه في المناهج الدراسية!

وفريق شايف إنه "هوجة" وهتعدي وإن المسلسل عادي جدا لا خطر ولا ميزة فيه
لكن الناس مبهورة بس بعلاقة الحب العميقة اللي في المسلسل خاصة أن علاقات
الحب قلِّت شوية في المجتمع العربي..
بتشوف نور؟؟؟! اه "مهند" و" نور"! Awel_03

بتشوف نور؟؟؟! اه "مهند" و" نور"! Awel_03

بس برضه الوطن العربي من المحيط إلى الخليج اهتز..
هزة وصلت لدرجة إن فيه أسر اتفككت وحصلت حالات طلاق كتيرة، وإن أكبر هيئة دينية في السعودية أصدرت فتوى بتحريم مشاهدته..

وإن 3 آلاف سيدة انتظروا مهند لحظة وصوله دبي في زيارة ترويجية..

وإن بنات رفضوا عرسان اتقدموا لهم لأنهم مش شبه "مهند"..

حاجة جميلة خالص حضرتك!
وتكشف إن مجتمعنا "هش" جدا من جواه

يا ترى بتشوف المسلسل ده ولا لأ؟

ولو بتشوفه بتشوفه ليه؟

تفسيرك إيه أنت للهوجة
اللي عملها المسلسل ده؟

وهل فعلا اتغيرت حياتك
وحصل فيها حاجات كتير مختلفة لما شفت
مهند ونور

من طرف **سهيل المصري** الجمعة سبتمبر 12, 2008 8:02 am

هههههههههههههههههههههههههههههه

بصراحة ياحمد جبت موضوع في الصميم

انا مشفتلوش غير خمس دقايق من حلقة واحدة ومليت منه وفي نفس الوقت كل صحابي مدمنين المسلسل ده ووووو

بصراحة مملكش الا اني اضحك

بس يعني المسالة عادية جدا

مسلسل وشكله نجح ونال شهرة كبيرة فيها ايه

وبعدين لو المسلسل ده حرام يتفرجو عليه يعني بقية المسلسلات اللي حلال مثلا؟

الحكاية ان الناس بقت كوسة وعاوزة تتخلل

من طرف جنة الرحمن الجمعة سبتمبر 12, 2008 9:20 am

هههههههههههههههههههههه
بص هو العيب مش في المسلسل صراحه
بس العيب فينا احنا وتفكيرنا المحدود اولا في الحقيقه مفيش كده خاااااااالص
ده كله تمثيل وبس ..وقريت قريب ان واحده طلبت الطلاق من زوجها علشان الموضوع ده
يبقي العيب فين بالظيط؟؟؟؟ فعلا زي ما سهيل قال لو حرام نتفرج علي المسلسل ده يبقي حلال نتفرج علي مسلسلاتنا احنا المصررررررررررررريه؟؟؟؟؟؟؟؟؟؟؟؟؟؟
بس احنا النساء عندنا مجانين والله ربنا يهدي

من طرف د/أحمد غنيم الجمعة سبتمبر 12, 2008 4:19 pm

هههههههههههههههههه
هو فعلا العيب مش في المسلسل.....بس هو سبب تحريمه ....انه ادى لحالات طلاق كتييييييييير

مشرفني بمرورك يا سهيل

من طرف د/أحمد غنيم الجمعة سبتمبر 12, 2008 4:21 pm

انتم مجانين............بلاش فضايح يا جنه

هههههههههههههه

ثانك يو جنه
منورة

من طرف bancy الجمعة أكتوبر 17, 2008 2:39 pm

السلام عليكم ورحمة الله وبركاته
المسلسل مش حلو خالص وخنيق كمان جدا وممل وفى احداث مش ماشية كويس
انا بصراحة تابعته الاول بس بعد كده لالالالالالالالالالالالالالالالالا
بس اصحابى مدمنين المسلسل عشان مهند ويعيطوا على عياط نور
والمسلسل هوجة وهتعدى زيه زى المسلسلات الهندية اللى جت فترة او المسلسلات المكسيكية فى التسعينات واخرها قبل المسلسلات التركية المسلسلات الكورية لو فاكرين
المهم من ده كله احنا اللى تافهين....انتوا معايا فى رايي ده؟؟

بتشوف نور؟؟؟! اه "مهند" و" نور"!

بتشوف نور؟؟؟! اه "مهند" و" نور"!

رد: بتشوف نور؟؟؟! اه "مهند" و" نور"!

رد: بتشوف نور؟؟؟! اه "مهند" و" نور"!

رد: بتشوف نور؟؟؟! اه "مهند" و" نور"!

رد: بتشوف نور؟؟؟! اه "مهند" و" نور"!

رد: بتشوف نور؟؟؟! اه "مهند" و" نور"!