الي كل اعضاء المنتدي.........

من طرف جنة الرحمن السبت سبتمبر 20, 2008 8:23 am

السلام عليكم ورحمه الله وبركاته

لكل اعضاء المنتدي بلا استثناء

يا جماعه احنا في منتدي اسلامي قبل ما يكون ثقافي او اجتماعي الاساس فيه هو وضع مواضيع مهمه تفيد
الشباب وتكون تخص الدين قبل اي حاجه...ويا ريت الموضوعات اللي تتكتب فيه تكون كده ...انا شايفه ان الاهتمام الاكبر بخمسه فرفشه وحاجات الضحك وخلاص..... ممكن يكون من وراها نصيحه ...بس ممكن نقدم موضوع هادف احسن من كده ويقدم نفس النصيحه .....عاوزين موضوعات عن النبي (ص)والصحابه عاوزين نعرف اكتر عن ديننا..

وبالنسبه للردود يا جماعه افتكر في حاجه اسمها رسائل خاصه لمدير المنتدي او المشرفين لكن ماينفعش ابدا ان الزوار يدخلو ويشوفوا الردود بتاعتنا دي... احنا في منتدي اسلامي ..يعني بنعمل حاجه تقربنا من ربنا

وبالنسبه للاعتراض علي موضوعات معينه ده شيء طبيعي و زي ما في اعجاب بموضوعات حلوه لعضو فيه له موضوعات مش حلوه
ممكن يكون مش من وجهه نظره كده بس احنا شايفين كده.....وللعلم كان في اقسام عملناها وناس اعترضت عليها وشلناها من غير اي نقاش مع اننا كنا عاوزين نعملها جدااااااا بس ده حقهم ولازم نحترم وجهه نظر الاخرين من غير ما نزعل ولا نزعلهم مننا يعني الموضوع بسيط مش محتاج كل الانفعال ده

ويا جماعه نتعاون علي طاعه الله في العشر الاواخر وبدل ما نختلف ناخد بايد بعض علشان ربنا يعفو عننا في الايام دي
وعلشان نخلي المنتدي احسن من كده
...

ومستنين موضوعات هادفه وردود بالدعاء للاعضاء افضل من الخلافات دي

واللي عايزاكو تفهموه ان ده منتدي اسلااااااامي قبل اي حاجه

واسال الله سبحانه وتعالي ان يوفقنا الي ما يحبه ويرضاه

استودعكم الله

السلام عليكم ورحمه الله وبركاته