مرهقات البشرة

السلام عليكم ورحمة الله وبركاته
مرهقات البشرة
ساعات كتير اوى البشرة بتكون مرهقة وده بيستنزف المكونات الطبيعية اللى فيها وبتنشف
كمان مش بنكون عارفين ايه اللى مش صحى ليها؟؟؟
دى حاجات من مرهقات البشرة :
@الصابون:
لانه منظف يعمل على افساد الطبقات الخارجية للبشرة وعشان كده استخدام الغسول بيكون احسن بالنسبة للبشرة
@القهوة:
بتزيد من اخراج كمية العرق فتهرب الميه عشان كده لازم نشرب كوباية ميه بعد القهوة او النسكافيه او كده
@نقص الميه:
بيسبب الجفاف وبيساعد على ظهور التجاعيد مبكرا عشان كده لازم على الاقل 8 كوبايت ميه فى اليوم
@العرق:
ده حاجة طبيعية ولكن على قدر الامكان لازم تكون حرارة الغرفة معتدلة عشان الجسم ما يسخنش
@ الدش:
لما بتكون الميه سخنة بتكسر الطبقة الدهنية اللى بتغطى الجلد وعشان كده لازم تكون الميه فاترة وبعد التجفيف يكون فى كريم مرطب للجلد بس لازم يكون استخدامه فى اقل من 3 دقايق لان هى دى الفترة اللى ممكن يتعوض فيها الفاقد ده
@الشمس:
الشمس حاجة اساسية للبشرة بس كثرة التعرض ليها وخصوصا فى الاوقات اللى الشمس اشعتها بتكون مركزة فيها لازم نكون عاملين حسابنا ونقلل النزول فى الوقت ده او نحط على الاقل كريم مرطب او سن بلوك ضد الشمس
يا ريت ناخد بالنا بعد كده يا جماعة لان اقل حاجة ممكن تعمل تاثير كبير
والسلام عليكم ورحمة الله وبركاته

السلام عليكم
طب كويس الصابون ده بيعمل بلاوى انا واصحابى على النت عاملين حملة بينا ضد الصابون والزيت لان اى حد لو وقف عن استخدامهم هيتعب شوية فى الشعر والبشرة بس النتيجة هتكون باذن الله رائعة بعد كده
ومتجرررررررررررررربة
السلام عليكم ورحمة الله وبركاته

السلام عليكم
بجد موضوع حلو اوىىىىى
وكويس انك قلتلنا ونبهتينا لحاجات مكناش
واخدين بالنا منها
ربنا يكرمك يا بانسى

بصراحه ربنا يكرمكم ويوفقكم بجد يا بنات ويا شباب فعلا
وشكرا علي مجهودكم الرائع ده

شكرا اوى يا جماعة