احنا جيل ظالم ولا مظلوم

من طرف **سهيل المصري** السبت أكتوبر 18, 2008 4:33 am

احنا جيل ظالم ولا مظلوم

فى جملة كل الناس تقولهالك اول ما تشتكيلهم من حالك او ظروف البلد الصعبة او تقوله مش لاقى شغل كويس ولا شقة رخيصة على طول يمصمص شفايفه و يقولك معلش" شد حيلك " وبقت جملة محفوظة وثابتة, وبالصدفة الجملة اتقالت قدام نائر ونقير وطبعا لازم يطبقو حكمة الاختلاف فى الراى لا يفسد للود قضية

نائر:

الشده على الله. ربنا معانا كلنا ياعم .انا مش عارف اشد حيلى فى ايه ولا ايه البلد مش مساعدانى .وبعدين هو انا مطلوب منى اعمل كل حاجة لوحدى. يعنى مسلمنى البلد جثة هامده ومطلوب منى اعملها عملية نقل جسم من اول وجديد عشان تنفع يتعاش فيها . اه وماله ما انا سوبر مواطن مصرى..!! وبعدين ماللى خربها يصلحها ولا يعملوها الكبار وندبس احنا فيها . وبيعتبوا علينا كمان و يقولولك جيل تافه مش حاسس بمسؤلية .

نئير :

معلش يا عم نائر هدى نفسك شوية لازم تتعامل مع الموضوع عل اساس انه امر واقع وماتنساش ان دى بلدك اللى اتربيت فيها واكلت من..............

نائر :

بس بس ماتكملش عشان ما تخسرنيش للابد وانت عارف انا من غيرك ما اعرفش اعيش

نئير :

حاضر بس دى بلدك وما حد ش بيختار البلد اللى بيتولد فيها. انا بس عايزك تقوللى لو كبرت دماغك منها مين هيصلحهالك. وما تفكرش انها هتفضل كده لا ياريت دى الحالة هتسوق اكتر من كده بكتير و ترجع تقول يا ريت اللى جرى ما كان .

نائر:

والمطلوب يا سى نئير با تاعبنى

نئير:

دى بلدك فيها حاجات كتير حلوة بس انت اللى مش عارف تشوفها انت بتقارنها بالبلاد التانية اللى اشتغلت وتعبت سنين لحد ما وصلو للى هما فيه. شوفهم ايام ما كانوا بيشتغلو كانو ا عاملين ازاى و اعمل زيهم مش تتخلى عنها وتسيبها تغرق .

نائر :

ايوة سمعنى الكلمتين المحفوظين بتوع القناة الاولى وطلعنى ماعنديش انتماء للبلد و خاين وما بيتمرش فيا ما هو ده اللى انت فالح فيه ياعم تصلح ايه و تبنى فين وتعمر ايه و تشجع مين انت مش من هنا ولا ايه يا دكتور الناس بتكلم نفسها وانت تقولى مش عارف ايه ناقص كمان تقولى "شد حيلك" !!!!!!!!

من طرف جنة الرحمن الأحد أكتوبر 19, 2008 1:31 pm

بدون شك.....
احنا جيل مظلووووووووووم
بس اللي بيخلينا نتعب اكتر ..اننا بنستسلم ونقول مكتوب علينا هنعمل ايه؟؟؟؟
ونبيع القضيه ونسيب البلد..ده لوووو حتي لقي فرصه لكده اصلااااا.الله المستعان

احنا جيل ظالم ولا مظلوم

احنا جيل ظالم ولا مظلوم

رد: احنا جيل ظالم ولا مظلوم