راقب نفسك ..

من طرف جنة الرحمن الإثنين أغسطس 10, 2009 2:50 pm

بسم الله الرحمن الرحيم

السلام عليكم ورحمه الله وبركاته

كيفكم اخوتي واخواتي ف الله ..ان شاء الله بالف خير

يمكن اسم الموضوع غريب بالنسبه لناس كتير..ايه ده يعني ايه يعني المراقبه الذاتيه دي؟؟

أول حاجه ممكن يكون الموضوع أهم بالنسبة للأب وإلام من الشباب نفسهم..لأنه هما اللي ف أيدهم
يحققو ده بالنسبه لاولادهم..... طيب نوضح بقا
...
احنا عارفين طبعا ان النت بقا خلاص موجود في كل بيت تقريبا ..وفي ناس هتستخدمه صح والاكيد
ان برده في ناس لا
...
كتير من الاباء والامهات بيفرحو اوووووي لما يلاقو اولادهم قاعدين ف البيت وكافيين خيرهم شرهم
وبيكونو معتقدين أن الأولاد كده ف امان لان للاسف المعظم معندهمش علم ولا معرفه بالنت واللي موجوده فيه

انتي اه كأم خايفه علي ابنك انه يختلط بره مع ناس وحشين ويقابل ناس ياخدوه لطريق مش كويس .
والحمدلله انه قاعد ف البيت يا ستي بقا ومبيخرجش ولا بيسهر بره ولا ولا
ولا الي اخره !!!!!!!!!

لكن للاسف انتي مش عارفه انه ممكن يقابل علي النت اللي يدمره ...
وانتي لا عارفه ايه بيحصل لابنك او لبنتك..
ممكن بنتك جميله وهاديه ومؤدبه وزي الفل وكل حاجه ادامك ومش
بتخرج ولا بتروح ولا بتيجي..بس ف نفس الوقت البنت ف عالم تاني انتي مش حاسه بيه
ولا بخطورته عليها ...
...
طب والحل ايه بعد ده كله بقا؟؟؟؟ نيجي لنقطه المراقبه دي !! تفتكري كأم وانت كأب ان
اسلوب المراقبه الملحوظ او الغير ملحوظ ده اسلوب مقبول في التربيه؟؟؟
معتقدش ابدا ان ده حل بالعكس الموضوع ده بيعمل فجوه كبيره جدااااا بين الاب وابنه
وبين الام بالذات وبنتها ف وقت ان البنت محتاجه ان امها تكون معاها ف كل خطوه من
خطوات حياتها تبقي سرها و صديقتها وامها وكل حاجه .
والابن محتاج الثقه من الاب(بس ده مش موضوعنا دلوقتي)
...
الحل ف النقطه دي انك لو اب حاسس انك فقدت سيطرتك علي اولادك ونفسك تبطل موضوع المراقبه عليهم
انك تصادقهم وتبقي قريب ليهم جداااا..
...
لكن بقا لو انت اب لسه بقا هتقدر تحكم حاجه زي دي حاول تربي اولادك علي الدين والثقه بينكم من البدابه
ويكونو هما المراقبين لذاتهم مش محتاجين حد يراقبهم لان هما شايفين ان ده صح وده غلط ده حلال
وده حرام .(هو ده قصدي من تسميه الموضوع مراقبه الذات).وبكده انت هتبقي ارتحت وربيتهم صح..
تربيه الابناء علي الالتزام بشرع الله و القران وقواعد الاسلام هي الطريق للنجاه من كل شر باذن الله تعالي ...
...
دور الاب والام اساسي في حياه ابناءهم اكيييد
..
انت كأب اهم شي انك تحسس اطفالك بالحب ..ولما
يكبرو ويبدأو يفهمو الحياه حسسهم بالاستقرار والامان بجانب الحب ..اهتم باولادك
وحاول تسمعهم وتناقشهم في مجالات الحياه كلها...
...
وانتي كأم بقا دورك مهم جدااااااااااا انتي
اللي تقريبا مسؤله اكتر عن التربيه بحكم غياب الاب لوقت طويل ف عمله..اهتمي
باولادك واعملي نفس دور الاب انك تحسسيهم بالامان .
.بس الاهم من ده كله بنتك انتي االلي مسؤله عنها حسسيها بانك صديقه واخت تحب تتكلم معاها في
اااااااااي حاجه مهما كانت ايه هي بلاش تخليها تخاف منك وتبعد عنك لانك بكده بتعرضيها للخطر اكتر..
اتكلمي معاها ف حاجات كتير.وفهميها الدنيا صح..
..
رسالتي ليك انت بقا كشاب..مش هنقول حجه وان امي وابي قصرو ف معملوش كده معايا ..لا مش حجه
خالص انت كبير وشايف طريقك وعارف فين الصح وفين الغلط ..اعرف ان ربنا شايفك
دي كفايه عليك اتقي الله في نفسك ربنا عطاك
نعم كتيره حافظ عليها مضيعش نفسك علشان حاجات متسواش...
وكمان بر الوالدين مش طاعه وبس ..حاول مش تشيلهم همك خليهم مطمئنين عليك
بس بصدق مش ادامهم حاجه ومن وراهم حاجه
تانيه ...

انا عارفه اني طولت اووووووي عليكو معلش بقا
انا شفت بنات بتقصر ف حق نفسها كتير جدا ..بصراحه من ناحيه انها تحب واحد وتسيب غيره
لو الام من البدايه معاها مكنتش عملت كده لو اتربت ع الدين صح مكنتش اصلاااا من البدايه فكرت.
الموضوع مش سهل زي ما البنات شايفاه ... يا بنتي...مدام انتي عرفتي ده وده وده قبل الجواز باسم الحب
ربنا ازاي هيوقعك ف رجل صالح معرفش غيرك؟؟؟؟ اظن صعب ودي الفكره اللي لازم كلنا نفكر فيها كبنات
.
واللوم علي الاب والام ف البدايه الحقيقه...لانهم غفلو عن حاجات كتير اوي
ممكن اولادهم وبناتهم وبقووووووووول بناتهم تقع فيها...
ربنا يهدي الجميع باذن الله الي ما يحبه ويرضاه

واستودعكم الله ..
السلام عليهم ورحمه الله وبركاته

من طرف dentist rose الإثنين أغسطس 10, 2009 6:07 pm

جنووووووووووووووووون حلو اوىىىىىىىىى الموضوع ده
ويهم ناس كتير اوى دلوقتى
يارب الاباء والامهات كمان يقروه
وياربت الواحد يعرف ازاى يستخدم الحااجه صح
ويكون عندنا مراقبه ذاتيه ع النت وبرا كمان ف اى مكان نروحوا
بجد ف حاجات كتير اوى هتتغير فينا للاحسن
لو عملنا كده

من طرف جنة الرحمن الإثنين أغسطس 10, 2009 6:33 pm

شكرا يا سلومتي انا عارفه ان الموضوع طويل اوي
بس انا حابه اوصل فكرتي لكذا حد مش للشباب وبسسسسسسسسس
يعني بنت وولد والاب والام قبل كل ده

من طرف لحن العوده الثلاثاء أغسطس 11, 2009 3:47 pm

بسم الله الرحمن الرحيم
اولا بشكرك جدا على هذا الكلائم الرائع
وثانيا عمل بلا رقابة او محاسبة مينفعش
وقد ما يكون في صراحة بين الابناء وابائهم الا يبقى خفايا
لا تعرف الا بالمراقبة سواء مباشرة او غير مباشرة

وديننا وضع لكل امور الحياة ضوابط وياريت نطبقها
وعندها ستنتهي كل الامور دي

من طرف elhazen الجمعة أغسطس 14, 2009 7:39 pm

السلام عليكم
شكرا جدا علي الكلام الرائع ده بجد وربنا يقدرنا ونعرف نعمل ده بطريقه صح

راقب نفسك ..

راقب نفسك ..

رد: راقب نفسك ..

رد: راقب نفسك ..

رد: راقب نفسك ..

رد: راقب نفسك ..